News

Organization for Afghan Women Capacity and Knowledge

د کونړ زلزله ځپلو سره زمونږ مرستې دوام لري

نېټه : 27/09/2025

په کونړ ولایت کې د زلزلې له امله زیانمنو کورنیو سره د تېرو مرستو په دوام یو ځل بیا د زوا/ مشن ایسټ ادارې په مالي ملاتړ او د واک (OAWCK) موسیسې په همکارۍ او هلو ځلو د نورګل ولسوالۍ د مزار درې جبه ګۍ کلي کې د (185) کورنېو سره د خوراکي توکو مرسته وشوه.

یاده مرسته چې هرې کورنۍ ته (89 kg وړه ، 21 kg وریجې، 7 لیتره غوړي، 9 kg لوبیا، 1 kg مالګه او د ماشومانو لپاره د BP5 بسکټ یوه بسته) په کې شامله وه د مشن ایسټ او واک ادارې د استازو، سیمه مسؤلینو او مشرانو په حضور کې یې ویش ترسره شو.

په کونړ کې (185) زلزله ځپلو کورنیو سره مرسته ترسره شوه

نېټه :25/09/2025

د زوا/ مشن ایسټ ادارې په مالي ملاتړ او د واک (OAWCK) موسیسې په تخنیکي همکارۍ، د خاص کونړ په ولسوالۍ کې له 185 زلزله ځپلو کورنیو سره د کمپلو مرسته ترسره شوه چې هرې کورنۍ ته 3 کمپلې ووېشل شوې.

د ویش په مراسمو کې چې د سیمه ییزو مسؤلینو سربیره، د مشن ایسټ او واک موسیسې کارمندانو او مشرانو برخه اخیستي وه، ګټه اخیستونکو د ذکر شوې مرستې څخه له دې امله مننه وکړه چې له یاد ناورین له پیل څخه تر دې دمه واک موسیسې په مختلفو برخو کې همکاري او مرسته ترسره کړي ده.

د واک موسیسې مسؤلینو ډاډ ورکړ چې دا مرستې به دوام ولري او له نورو زیانمنو کورنیو سره به هم اړینې مرستې ترسره شي.

د (300) زلزله ځپلو کورنیو سره مرسته ترسره شوه

نېټه : 09/09/2025

د WASH کلستر تر چتر لاندې او د OAWCK مؤسسې په مالي ملاتړ، د کونړ ولایت د خاص کونړ او نورګل ولسوالیۍ د زیړي بابا په کمپونو کې له (300) زلزله ځپلو کورنیو سره مرستې ترسره شوې.

یادې مرستې چې په کې (40) د اوبو ذخیرې، (300) د اوبو سطلونه، (300) د کثافات دانۍ او د اوبو د تصفیې ګولۍ (Water Purification Tablets) شاملې وې، د OAWCK ادارې د مسؤلینو، د دولتي چارواکو او د زیانمنو کورنیو د مشرانو په حضور کې اړمنو کورنیو ته وویشل شوې.

د مرستو د وېش په ترڅ کې زیانمنو کورنیو او مسؤلینو له واک ادارې څخه د مننې تر څنګ دا ډول مرستې یې د اړمنو لپاره یوه جدي اړتیا وبلله.

یاده دې وي چې د واک اداره له لومړۍ ورځي څخه تر دې دمه د خپلو ولسونو تر څنګ ده او په ټولو حالاتو کې یې لاسنیوۍ خپل ملي او اسلامي وجیبه ګڼلي.

د جوزجان ولایت په شبرغان ښار او خانقاه ولسوالۍ کې د واش برنامې تر چتر لاندې یو شمېر فعالیتونه بشپړ او ګټې اخیستنې ته وړاندې شول.

نېټه: 29/04/2025

د افغانستان د بشري مرستو صندوق په مالي ملاتړ او د واک مؤسسې په تخنیکي همکارۍ د واش برنامه چې د کلیو بیارغونې او پراختیا محترم ریاست تر نظارت لاندې پلي شوه، چې په کې د پاکو اوبو دوه سولري پایپ سکیمونو شبکې، 40 بابه تشنابونه، او د روغتیایي مرکزونو لپاره 6 د لاس مینځلو ځایونه جوړ او هم اړمنو کورنیو ته د روغتیا ساتنې 500 کڅوړې وویشل شوې.
د یادې پروژې د ګټې اخیستنې مراسمو کې، چې د جوزجان ولایت محترم والي صاحب، سربېره په کې د یاد ولایت د کلیو بیارغونې او پراختیا او پیښو پر وړاندې د مبارزې محترم رئیس صاحبانو، د علماوو شورا، امر بالمعروف او د اقتصاد محترمو ریاستونو استازو، قومي مشران او د پروژې ګټه اخیستونکي په کې شامل وو، ګټې اخیستنې ته وړاندې شوه.
مسؤلینو او ګټه اخیستونکو یاد فعالیتونه ګټور وبلل او د ټولنې د لومړیتوبونو او ستونزو د حل لپاره یې اساسي او مهم ګام وګڼو، او هم یې د ذکر شوو فعالیتونو د باکیفیته او په ښه شان ترسره کېدو له امله د واک مؤسسې فعالیتونه او ښه همغږي د ستاینلیک په ورکولو سره وستایله، او په نورو سیمو کې د دغه شان پروژو د تطبیق غوښتونکي شول.

لغمان ولایت علینګار او قرغیو ولسوالیو اړوند بیلابیلو کلیو کې (80) بابه اساسي او پاخه تشنابونه او 10 پايې د لاس وینځلو اسانتیاو ځایونه جوړ او ګټه اخیستني ته وسپارل شو !

۱۴۴۶/۱۰/۱۰ هـ ق چې ۱۴۰۴/۱/۱۹ هـ ش نیټي سره سمون خوري

د کلیودبیا رغونې او پراختیا ریاست تر چتر او نظارت لاندې د افغانستان د بشري مرستو صندوق ادارې د 7 میلونه افغانيو په مالي لګښت او د واک مؤسسې په تخنیکي همکارۍ د علینګار او قرغیو ولسوالیو بیلابیلو سیمو کې 80 بابه اساسي او پاخه تشنابونه ، 10 پايې د لاس وینځلو اسانتیاو ځایونه جوړ او 1000 بیوزله ، کونډو او غریبو کورنیو ته د روغتیا ساتني کیټونو توزیع ترسره شوي ده چې یاد تشنابونه او د لاس وینځلو اسانتیاو برابرولو ځایونه د کلیو د بیارغونې اوپراختیاریاست تخنيکي ټیم، د ولایت محتر مقام او د اقتصاد ریاست استازو په شتون کې ګټې اخیستني ته وسپارل شول، چې په جوړیدو سره به یې ذکر شوو کورنیو ته اسانتیاوي برابري، په ازاده فضاء کې د رفع حاجت څخه خلاصی ،چارپیریال به پاک او د امراضو مخنیوی به وشي.
مسؤلینو او ولسونو د واک مؤسیسې د باکیفیته او موثرو خدمتونو له امله مننه وکړه او د خوښۍ د اظهار تر څنګ یې د ورته پروژو د پلي کیدو غوښتنه وکړه.

We been collaborating with our target communities and stakeholders to design and implement projects that aim to bring about positive changes in the lives of our target people across the country since 2009-10.

Thematic Areas

Get in Touch

info@oawck.org.af
+93 77 709 9999
Main Office:Mandakol Road, Asadabad City, Kunar Province, Afghanistan.
Regional Offices: Raees Abad St,Ln2,House # 10,Jov-e-Haft ,Jalalabad.
Kart-e-3 Near to Finest Store Kabul.
Ring Road Charahi Jihad Near to Arg Hotel,Mazar-e-Sharif.
Office Time: 8:00 AM - 4:00 PM